१ कोटींचा विमा, झिरो बॅलन्स खातं!" – सीआयएसएफसाठी SBI चा ऐतिहासिक करार

एसबीआयसोबतचा नवा करार, १ कोटींचा अपघाती विमा आणि अनेक फायदे – तेही मोफत!

नवी दिल्ली | २४ मे २०२५: देशाच्या सुरक्षेसाठी झटणाऱ्या सीआयएसएफ (CISF) जवानांना आणि त्यांच्या कुटुंबियांना आर्थिकदृष्ट्या सशक्त करणारा ऐतिहासिक निर्णय घेण्यात आला आहे. भारतीय स्टेट बँक (SBI) आणि CISF यांच्यात २३ मे रोजी ३ वर्षांचा महत्त्वाचा सामंजस्य करार (MoU) झाला आहे, जो 23.05.2025 ते 22.05.2028 पर्यंत लागू राहील.

सेवारत जवानांसाठी विशेष फायदे –

• १ कोटी रुपयांचा अपघाती मृत्यू विमा
• हवाई अपघातासाठी १.५ कोटींचा विमा
• १० लाखांचा टर्म इन्शुरन्स – प्रथमच उपलब्ध
• पूर्ण/अर्धांग विकलांगतेसाठी १ कोटी रुपयांपर्यंतचे संरक्षण

निवृत्त जवानांसाठीही दिलासादायक लाभ –

• ५० लाख रुपयांचा अपघाती विमा (मृत्यू)
• झिरो बॅलन्स खाते
• फ्री डेबिट कार्ड, वार्षिक शुल्क नाही
• SBI ATM वर असीमित मोफत व्यवहार, इतर ATM वर दरमहा १० मोफत व्यवहार
• मोफत डिमांड ड्राफ्ट, ऑटो स्वीप सुविधा
• लॉकर भाड्यावर १०% सूट

अपघाताने मृत्यू झाल्यास मिळणारे खास लाभ –

• प्लास्टिक सर्जरी (जळाल्यास)
• मुलांच्या शिक्षणासाठी आर्थिक मदत
• मुलीच्या लग्नासाठी साहाय्य
• एअर अ‍ॅम्ब्युलन्स: १० लाखांपर्यंत खर्च भागवला जाईल
• एम्ब्युलन्स खर्च: ५०,००० रुपयांपर्यंत परतावा

‘SBI रिश्ते’ – कुटुंबासाठी विशेष योजना –

• सीआयएसएफ जवानांचे पती/पत्नी, मुले, पालक व भावंडांसाठी ४ झिरो बॅलन्स खाती
• प्रत्येक खातेदाराला ५ लाख रुपयांचा अपघाती मृत्यू विमा (नाबालक वगळता)
• फ्री डेबिट कार्ड, डिमांड ड्राफ्ट मोफत
• ATM व्यवहारांवर सूट, लॉकरवर १०% सूट

तक्रार निवारण व सुविधा व्यवस्थापन –

• SBI चा विशेष रिलेशनशिप मॅनेजर सीआयएसएफ मुख्यालयात कार्यरत राहणार
• तक्रार निवारण सेल स्थापन केला जाणार, जेणेकरून लाभ वेळेवर मिळतील

SBI लवकरच सीआयएसएफ कॅम्पसमध्ये शाखा सुरू करणार आणि जवानांसाठी बँकिंग-जागरूकता कार्यक्रम घेणार.

---

हे केवळ आर्थिक पॅकेज नाही, तर जवान आणि त्यांच्या कुटुंबांच्या सुरक्षिततेची आणि सन्मानाची खात्री आहे!