संदिप कसालकर (संपादक, भारत २४ तास)
मुंबईच्या गजबजलेल्या रस्त्यांमध्ये एका तरुणाने सोशल मीडियाच्या आभासी दुनियेत विश्वास ठेवला आणि त्याच्या आयुष्याचा सर्वात मोठा धक्का बसला! एक टेलिग्रामवरील "गे ॲप" मेसेज, गुप्त भेट, अचानक उघडलेला दरवाजा… आणि त्यानंतर सुरू झालेली पैशांच्या बदल्यात ब्लॅकमेलिंगची धक्कादायक खेळी! पण मेघवाडी पोलिसांनी तडफदार कारवाई करत आरोपींना जेरबंद केलं आणि गुन्ह्याचा थरार उघडकीस आणला!
मुंबईच्या जोगेश्वरी परिसरात एक अत्यंत धक्कादायक आणि खळबळजनक घटना समोर आली आहे. फिजिकल रिलेशनच्या आमिषाने एक तरुणाला बोलावून, त्याचे व्हिडीओ शूट करुन जबरदस्तीने पैसे उकळण्याचा प्रकार समोर आला असून, मेघवाडी पोलिस ठाण्याने तातडीने कारवाई करत चार आरोपींना अटक केली आहे. दोन आरोपी अद्याप फरार आहेत.
१९ मे रोजी सायंकाळी ४ वाजता पीडित तरुण ठरलेल्या ठिकाणी पोहोचला. तेथे स्कूटीवर आलेला एक इसम त्याला शंकरवाडी, जोगेश्वरी येथील एका घरात घेऊन गेला. पहिल्या मजल्यावर असलेल्या घरात, पीडित तरुण आणि अज्ञात इसमामध्ये शरीर संबंध सुरू झाले. दरम्यान, अचानक दरवाजा उघडून तीन इसम घरात घुसले आणि त्यातील एकाने मोबाईलमधून दोघांचा अश्लील व्हिडीओ शूट करायला सुरुवात केली.
तपास पथकात अशा अधिकारीांचा समावेश आहे - ASI गोविंद पवार, पोलीस शिपाई गुरुनाथ राठोड, अनिकेत निकम, अविनाश कापसे, देवेंद्र ठाकूर, तसेच तांत्रिक मदत म्हणून पोलीस हवालदार पिसाळ. दाखल अधिकारी म्हणून महिला सहाय्यक पोलीस निरीक्षक अश्विनी घोळवे कार्यरत आहेत.
टेलिग्रामवरील "गे ॲप"च्या लोकेशनच्या आधारावर कारवाई करत पहिल्यांदा आरोपी फैसल अब्दुल सत्तार खोकर यास पकडण्यात आले. चौकशीत त्याने टेलिग्राम आयडी त्याच्या मित्र याहीया तज्जामुल हुसैन शेख याला दिल्याचे कबूल केले.
यानंतर पथकाने याहीया शेख आणि त्याचा साथीदार मुस्तफा अबार खान यांना पास्कल कॉलनी, जोगेश्वरी पूर्व येथून पकडले. याहीया आणि मुस्तफाने उर्वरित दोन साथीदारांची नावे सांगितली – रियाज मुनाफ शहा आणि शाहीद वाजिद सय्यद. त्यांचा सध्या शोध सुरू आहे.
Comments