अंधेरीतील कनकिया सहयोग सोसायटीत ८० व्या स्वातंत्र्यदिनानिमित्त १०० झाडांचे वृक्षारोपण!

संदिप कसालकर 

मुंबई : ८० व्या स्वातंत्र्यदिनाचे औचित्य साधून चकाला, अंधेरी (पूर्व) येथील कनकिया सहयोग सोसायटीमध्ये पर्यावरण संवर्धनाचा अनोखा संदेश देत १०० झाडांचे वृक्षारोपण करण्यात आले. सोसायटीच्या प्रांगणात हा उपक्रम मोठ्या उत्साहात पार पडला.

या पर्यावरणपूरक मोहिमेत सोसायटीचे सेक्रेटरी सय्यद यांच्यासह रहिवासी अविनाश कापसे, अमित गोसावी, युवराज देसाई, ज्ञानेश्वर आणि इमारतीतील लहान मुलांनी उत्स्फूर्त सहभाग नोंदवला.

स्वातंत्र्यदिनाचा आनंद साजरा करतानाच परिसरातील हरित क्षेत्र वाढवण्यासाठी लहानग्यांनीही झाडे लावून त्यांचे संवर्धन करण्याचा संकल्प केला. या उपक्रमाचे परिसरातून विशेष कौतुक होत आहे.