मुंबई: कोकण रेल्वेने प्रवास करणाऱ्या लाखो चाकरमान्यांसाठी आणि पर्यटकांसाठी एक अत्यंत आनंदाची आणि खळबळजनक बातमी समोर येत आहे! तासनतास क्रॉसिंगसाठी थांबणाऱ्या गाड्या आणि विलंबाने होणारा प्रवास आता इतिहास जमा होणार आहे. कारण, संपूर्ण कोकण रेल्वे मार्गाच्या 'दुहेरीकरणाचा' (Doubling) मास्टर प्लॅन आता प्रत्यक्षात उतरताना दिसत आहे.
खासदार रवींद्र वायकर यांच्या पाठपुराव्याला यश!
मुंबई उत्तर पश्चिम लोकसभा क्षेत्राचे खासदार रवींद्र वायकर यांनी १० फेब्रुवारी २०२६ रोजी लोकसभेत नियम ३७७ अन्वये कोकण रेल्वेच्या दुपदरीकरणाचा प्रश्न लावून धरला होता. या प्रश्नाला उत्तर देताना रेल्वे राज्यमंत्री रवनीत सिंह यांनी लेखी पत्राद्वारे ही महत्त्वाची अपडेट दिली आहे.
काय आहे नवा प्लॅन?
- २६३ कि.मी.चा डीपीआर सुरू: कोकण रेल्वे कॉर्पोरेशनने (KRCL) मार्ग क्षमता वाढवण्यासाठी सुमारे २६३ कि.मी. मार्गाच्या दुहेरीकरणासाठी सविस्तर प्रकल्प अहवाल (DPR) तयार करण्याची प्रक्रिया वेगाने सुरू केली आहे.
- ५५ कि.मी.चे काम पूर्ण: रोहा–वीर आणि मडगाव–माजोर्डा दरम्यानचे ५५ कि.मी.चे दुहेरीकरण आधीच पूर्ण झाले आहे. आता उरलेल्या ६८५ कि.मी.पैकी पहिल्या टप्प्यात २६३ कि.मी.वर लक्ष केंद्रित केले जात आहे.
कोकण रेल्वेचे भारतीय रेल्वेत विलीनीकरण होणार?
रेल्वे मंत्र्यांनी स्पष्ट केले की, कोकण रेल्वेमध्ये केंद्र सरकारचा वाटा ६६.३५% आहे, तर महाराष्ट्र, कर्नाटक, गोवा आणि केरळ सरकारचीही भागीदारी आहे. या सर्व राज्यांच्या संमतीनंतरच कोकण रेल्वेचे भारतीय रेल्वेत पूर्णपणे विलीनीकरण शक्य होईल. सध्या रेल्वे मंत्रालयाने सर्व संबंधित राज्यांना त्यांच्या हिश्शानुसार भांडवल देण्याची विनंती केली आहे.
प्रवाशांना काय फायदा होणार?
- वेटिंग संपणार: सिंगल लाईनमुळे गाड्यांना तासनतास क्रॉसिंगसाठी थांबावे लागते, ते आता पूर्णपणे बंद होईल.
- वेग वाढणार: दुहेरीकरणामुळे गाड्यांचा वेग वाढेल आणि मुंबई-गोवा प्रवास २ ते ३ तासांनी कमी होऊ शकतो.
- अधिक फेऱ्या: मार्गाची क्षमता वाढल्याने सणासुदीच्या काळात अधिक जादा गाड्या सोडणे रेल्वेला शक्य होईल.
"कोकणचा विकास आता रुळावर धावणार! लवकरच मुंबई-कोकण प्रवास अधिक गतीने आणि विनाअडथळा होईल!"
0 Comments