विशेष रिपोर्ट: संदिप कसालकर
जोगेश्वरी : कॅन्सरबाबत असलेले गैरसमज दूर करण्यासोबतच या आजाराची कारणे, संभाव्य जोखीम आणि प्रतिबंधात्मक उपाय याबाबत नागरिकांमध्ये जागरूकता निर्माण करण्यासाठी रंगूनवाला कम्युनिटी सेंटर यांच्या वतीने विशेष जनजागृती उपक्रमाचे आयोजन करण्यात आले.
शामनगरचा राजा सार्वजनिक उत्सव मंडळाच्या परिसरात आयोजित करण्यात आलेल्या या उपक्रमात रंगूनवाला कम्युनिटी सेंटरच्या टीमने नागरिकांशी संवाद साधत कॅन्सर कोणत्या कारणांमुळे होऊ शकतो, कोणत्या सवयींमुळे धोका वाढू शकतो तसेच आरोग्याबाबत आवश्यक काळजी घेणे का महत्त्वाचे आहे, याबाबत माहिती दिली.
कॅन्सरसारख्या गंभीर आजाराबाबत वेळीच जनजागृती आणि योग्य माहिती नागरिकांपर्यंत पोहोचणे अत्यंत महत्त्वाचे असल्याचे या उपक्रमातून अधोरेखित झाले.
Comments